ಭರವಸೆ - ಕಳೆದು ಹೋಗಿದೆ

ಗೆಳತಿ..

ಈ ಪ್ರೀತಿ ಹುಟ್ಟಿದ್ದು ನಿನ್ನ ಕಿರುನಗೆಯಿಂದ

ಮೊಳೆತದ್ದು ನಿನ್ನ ಸಾಂಗತ್ಯದಿಂದ

ಹೊಸ ಲೋಕ ಕಂಡದ್ದು

ನಿನ್ನ ಪ್ರೇಮ ಭರಿತ ಮಾತುಗಳಿಂದ

ಆ ಲೋಕದ ಬಗ್ಗೆ ಅರಿವಿಲ್ಲದ

ನನಗೆ ನೀ ಜೊತೆಯಲ್ಲಿ ಕರೆದೊಯ್ದೆ..

ಕರೆದೊಯ್ದು ನೀ 'ಭಾವ' ಯಾನದಲ್ಲಿ

ಕೈ ಹಿಡಿದು ಭರವಸೆಯಾದೆ

ಭರವಸೆಯೇ ಬದುಕಾಗಲಿ ಎಂದು ಎಲ್ಲೊ ಓದಿದ್ದ ನಾನು

ಭರವಸೆಯ ಬಗ್ಗೆ ಪುಳಕಿತನಾಗಿದ್ದೆ

ಭರವಸೆಯೊಂದಿದ್ದರೆ ಸಾಕು ಬದುಕಿಗೆ ಎಂದು ಕೊಂಡೆ

ಭರವಸೆಯ ಸಾರಥ್ಯ ನೀ ವಹಿಸಿದ್ದೆ

ಇನ್ನೇನು ಬೇಕಿತ್ತು ಈ ಬದುಕಿಗೆ

ಬದುಕಿನ ಭೂಮಿಯಿಂದ

ಕನಸಿನ ಆಕಾಶದೆತ್ತರಕ್ಕೆ ಹಾರುತ್ತಲೇ ಇದ್ದೆ

ಹಾರುತ್ತ ಹಾರುತ್ತ ರೆಕ್ಕೆ ಕತ್ತರಿಸಿದಂತಯ್ತು

ಒಮ್ಮೆ ನೋಡಿದೆ

ಪಾತಾಳಕ್ಕೆ ಬೀಳುತ್ತಿರುವ ಭಾವ

ಕೈ ಹಿಡಿಯಲು ನೀ ಇರಲಿಲ್ಲ

ಜಂಗಾಬಲ ಉಡುಗಿಹೊಯ್ತು

ನೆನಪಾಯಿತು ನಿನ್ನ ಭರವಸೆ

'ಕೊನೆಯ ವರೆಗೂ ಹೀಗೆ ಇರೋಣ' ಎಂಬುದು

ಆದರೆ

ಆ ಭರವಸೆಯೇ ಮರೆತ ನೀನು

ಭರವಸೆ ಕಳೆದುಕೊಂಡ ನಾನು ....

ಆ ಭರವಸೆ ಕಳೆದುಕೊಂಡಾಗ

ನಿರಂತರ ಹುಡುಕಾಟದಲ್ಲಿದ್ದೇನೆ

ಕತ್ತಲ ರಾತ್ರಿಯಲಿ ಕಳೆದು ಹೋದ ಮಗುವಿನಂತೆ..!!!