'ಪರ್ವಕಾಲ' (ಭಾಗ-2)

('ಪರ್ವ ಕಾಲ' ದಮೊದಲ ಕಂತು ಓದಿದರೆ ಮಾತ್ರ ನಿಮಗೆ ಸಂಪೂರ್ಣ ಚಿತ್ರಣ ದೊರೆಯಬಹುದು..)

ಡೆಲ್ಲಿ ಏರ್ ಪೋರ್ಟ್ನನಲ್ಲಿ ಇಳಿಯುತ್ತಿದ್ದ ಹಾಗೆ ಕಾರು ಬಂದು ನಮ್ಮನ್ನು ಹೋಟೆಲ್ಲಿಗೆ ಕರೆದೊಯ್ದಿತು. ಹೋಗಿ ಫ್ರೆಶ್ ಆಗಿ ಮೊದಲ ದಿನ ಪ್ರವಾಸಿ ಸ್ಥಳಗಳ ಸುತ್ತಾಟ ಆರಂಭವಾಯ್ತು.

ನನಗಂತೂ ಹೋಟೆಲಿನ ರೂಮಿನಲ್ಲಿ ಒಬ್ಬಳೇ ಇದ್ದು ನಿನ್ನೊಂದಿಗೆ ಫೋನಿನಲ್ಲಿ ಮಾತನಾಡೋಣ ಅನ್ನಿಸುತ್ತಿತ್ತು...ಆದರೆ ಅದಕ್ಕೆ ಅವಕಾಶ ಇರಲಿಲ್ಲ..ಅಲ್ಲಿ ಯಾವುದೇ ಪ್ರವಾಸಿ ಸ್ಥಳಕ್ಕೆ ಹೋದರು ಕೈ ಕೈ ಹಿಡಿದು ನಡೆಯುತ್ತಿದ್ದ ಜೋಡಿಗಳೇ ಕಾಣಿಸುತ್ತಿದ್ದರು...ಆಗ ಪ್ರತಿಕ್ಷಣ ನಿನ್ನದ್ದೇ ನೆನಪು..ನೀನು ನನ್ನ ಜೊತೆ ಬಂದಿದ್ದಾರೆ ಎಷ್ಟು ಚೆನ್ನಾಗಿರುತ್ತಿತ್ತು..ಅದು ನಾವಿಬ್ಬರೇ..ಆಹಾ..ನೆನಪಿಸಿಕೊಂಡ ಪ್ರತಿ ಘಳಿಗೆಯೂ ಚೆಂದ..ಚೆಂದ..

ಯಾವತ್ತು ನಿನ್ನ ನೋಡುವೆನು..ಯಾವತ್ತು ನಿನ್ನ ಕೈ ಹಿಡಿದು ನಡೆಯುವೇನೋ ಎಂಬ ಯೋಚನೆಯಲ್ಲೇ ಕಾಲ ಕಳೆದೆ..ಅವತ್ತವತ್ತಿನ ಸುತ್ತಾಟ ಮುಗಿಸಿ ರೂಮಿಗೆ ಬಂದರೆ ನಿನಗೆ ಮೆಸೇಜ್ ಮಾಡಲಿಕ್ಕೆ, ಫೋನ್ ಮಾಡಲಿಕ್ಕೆ..ಸಾಕಷ್ಟು ಸರ್ಕುಸ್ ಮಾಡಬೇಕಿತ್ತು..ಕಾರಣ ಮನೆಯಲ್ಲಾದರೆ ಆ privacy ಇರುತ್ತಿತ್ತು..ಅಲ್ಲಿ ಅಮ್ಮ ಯಾವಾಗಲು ಜೊತೆಯಲ್ಲೇ ಇರುತ್ತಿದ್ದರು..ಒಂದೊಂದು ಮೆಸೇಜಿನ ಹಿಂದೆಯೂ, ಕಾಲ್ ನ ಹಿಂದೂ ನನ್ನ ಶ್ರಮ ಎಷ್ಟಿದೆ ಗೊತ್ತ ರಾಜ..ಅಂದು ನನ್ನತ್ತ ನೋಡಿದಳು..

ನಾನು ಕಣ್ಣಲ್ಲೇ..ಮುಂದುವರೆಸು..ಎಂದೇ..

ಈ ಹತ್ತು ದಿನದಲ್ಲಿ ನಾನು ನನ್ನ ಬದುಕಿನ ಹತ್ತು ವರ್ಷ ಕಳೆದೆನೇನೋ ಎಂಬಂತೆ ಭಾಸವಾಗುತ್ತಿತ್ತು..ಅಪ್ಪ ನಿರಂತರವಾಗಿ ಸ್ಥಳಗಳ ಮಹತ್ವದ ಬಗ್ಗೆ ಹೇಳುತ್ತಿದ್ದಾರೆ ಅಮ್ಮ ಅಲ್ಲಿ ಸಿಗುವ ವಸ್ತುಗಳು, ಬಟ್ಟೆಗಳು, ಇವುಗಳ ಬಗ್ಗೆ ಮಾತನಾಡುತ್ತಿದ್ದಳು..ಇನ್ನು ಅಣ್ಣ ಅಂತು..ಅವನದೇ ಲೋಕ..ಅವನಂತೂ ಯಾವಾಗಲು ಮೆಸೇಜ್ ಮಾಡ್ತಿದ್ದ..ಆದರೆ ನನಗೆ ಆ freedom ಇರಲಿಲ್ಲ ಎಷ್ಟೇ ಅಗಲಿ ಅವನು ಹುಡುಗ ...ಅವನನ್ನು ಹೆಚ್ಚು ಕೇಳುವುದಿಲ್ಲ..ಕೇಳಿದಾಗ ಆಫೀಸ್ ಕಾಲ್..ಮೆಸೇಜ್ ಅಂತ ಏನೋ ಒಂದು ನೆಪ ಹೇಳುತ್ತಿದ್ದ..

ಒಂದು ದಿನ ರಾತ್ರಿ ರಾತ್ರಿ ೨ ಗಂಟೆ ಆದರು ನಿದ್ದೆ ಹತ್ತಿರಲಿಲ್ಲ..ನಾನು ಬ್ಲಾಂಕೆಟ್ ಒಳಗೆ ಮೊಬೈಲ್ ಇಟ್ಟುಕೊಂಡು ಮೆಸೇಜ್ ಟೈಪ್ ಮಾಡ್ತಾ ಇದ್ದೆ...ಅಮ್ಮ ಅದೇಕೆ ಎಚ್ಚರ ಆಯ್ತೋ ಗೊತ್ತಿಲ್ಲ..ಅಷ್ಟೊತ್ನಲ್ಲೇ ಸುಪ್ರಭಾತ, ಸಹಸ್ರನಾಮ ಎಲ್ಲ ಆಯಿತು..

ನಾನು ತಾಜ್ ಮಹಲ್ ನ ಮುಂದೆ ಹೋಗಿ ನಿಂತೇ..ಅಳು ತಡೆಯಲಾಗಲಿಲ್ಲ..ಇಂತಹ ಸ್ಥಳಕ್ಕೆ ನಿನ್ನ ಜೊತೆ ಬಂದಿದ್ದರೆ..'ಆ ರೋಮಾನ್ಟಿಕ್' ಮೊಮೆಂಟ್ಸ್ ಹೇಗಿರುತ್ತಿತ್ತು..ಅಹ..ಮಿಸ್ ಆಯ್ತಲ್ಲ..ಛೆ...ನನ್ನ ರಾಜನ ಕೈ ಹಿಡಿದು ಆ ಪ್ರೇಮ ಸ್ಮಾರಕದಲ್ಲಿ ನಡೆದಾಡುತ್ತ ನಮ್ಮ ಒಲವಿನ ಕಥೆಯನ್ನು ಮೆಲುಕು ಹಾಕುತ್ತ ಜೊತೆ ಹೆಜ್ಜೆ ಹಾಕುತ್ತ ಈ ಲೋಕವನ್ನೇ ಮರೆತು ವಿಹರಿಸುತ್ತಾ...ಹೀಗೆ ಸಾಗುತ್ತಿತ್ತು ನನ್ನ ಯೋಚನಾ ಲಹರಿ...

ಏಯ್ .ಏನ್ ಕನಸು ಕಾಣುತ್ತ ಇದ್ದೀಯ..ಅಮ್ಮ ತಲೆಯ ಮೇಲೆ ಮೊಟಕಿದಾಗಲೇ ನಾನು ಭಾವಲೋಕದಿಂದ ಎಚ್ಚರಗೊಂಡದ್ದು ಕಣೋ..

ಆಗ್ರಾ ದಲ್ಲಿ ನಿನಗಾಗಿ ಒಂದು ಗಿಫ್ಟ್ ತರಲು ಎಲ್ಲರ ಕಣ್ ತಪ್ಪಿಸಿ ಹೋದೆ ಕಣೋ ಅಲ್ಲಿ ನನಗೆ ತುಂಬಾ ಇಷ್ಟವಾಗಿದ್ದು ಈ ಪ್ರೇಮದ ಸಂಕೇತ ಹಾಗು ಆ ಕಲಾಕೃತಿ ಮಾಡಿದ ರೀತಿ ಕಣೋ..ಇದನ್ನ ಪ್ಯಾಕ್ ಮಾಡಲು ಹೇಳಿದಾಗ ಸೇಲ್ಸ್ ಗರ್ಲ್ ಕೇಳಿದಳು..ಕಣೋ..'ಆಪ್ ಕಾ ಪ್ರೇಮಿಕಾ ನಾಮ್ ಕ್ಯಾ ಹಾಯ್ ಮೇಡಂ..ಇಸಕೇ ಊಪರ್ ಆಪ್ ದೊನೊಂಕ ನಾಮ್ ಲಿಖೂ..ಕೇಳಿದಳು..ನಾನು ಇಬ್ಬರ ಹೆಸರು..ಹೇಳಿದೆ..

ಆ ಗಿಫ್ತನ್ನು ಯಾರಿಗೂ ಕಾಣದಂತೆ ಕಾಪಾಡುವಲ್ಲಿ ನನಗೆ ಪ್ರಾಣವೇ ಹೋದಂಗಾಯ್ತು ಕಣೋ..ಎಲ್ಲರೂ ಕೇಳುವರೇ ಏನದು..ಏನದು..ಅಂತ..ಕಡೆಗೂ ಹೇಗೋ ಭದ್ರವಾಗಿ ಎರಡು ..ಮೂರು ಪ್ಯಾಕ್ಕಿಂಗ್ ಮಾಡಿಸಿ ಇಟ್ಟಿದ್ದೆ..ಇದು ನಿನಗೆ ನನ್ನ ಕೈಯಾರೆ ಕೊಡುವ ವರೆಗೂ..ಸಮಾಧಾನವೇ ಇರಲಿಲ್ಲ ಕಣೋ..ಈಗ ಸಮಾಧಾನ ಆಯಿತು..ನೋಡು..ನಕ್ಕಳು..ನಾನು ನಕ್ಕೆ..

ಒಟ್ಟಾರೆ ಮತ್ತೆ ಆದಷ್ಟು ಬೇಗ ನಾನು ನಿನ್ನ ಜೊತೆ ಅದೇ ಸ್ಥಳಗಳಿಗೆ ಹೋಗಬೇಕು ನಿನ್ನ ಜೊತೆ ಹೆಜ್ಜೆ ಹಾಕುತ್ತ..ದಿಲ್ಲಿಯ ಬೀದಿಗಳಲ್ಲಿ ಕೈ ಕೈ ಹಿಡಿದು ನಡೆಯಬೇಕು..ತಾಜ್ ಮಹಲಿನ ಅಂಗಳದಲ್ಲಿ ಕುಳಿತು ನಿನ್ನ ಪ್ರೀತಿಯ ಸವಿಯನ್ನ ಸವಿಯಬೇಕು..ಅಲ್ಲಿ ನಾವು ಪ್ರೇಮ ಪಕ್ಷಿಗಳಂತೆ ಹಾರಬೇಕು...ಆಯ್ತಾ..ಅಂದಳು..

ನಾನು ಅವಳ ಮುಂಗೈಯನ್ನು ಒತ್ತಿ..ಆಯಿತು..ಅಂದೇ..

ಹೀಗೆ ಪಟಪಟನೆ ಮಾತಾಡುತ್ತ ತನ್ನ ಡೆಲ್ಲಿ ಪ್ರವಾಸದ ಅನುಭವ ಹೇಳುತ್ತಾ ಹೇಳುತ್ತಾ ಸಂಜೆಯಾಗೆ ಹೋಯ್ತು..

ಚಿನ್ನು ಸಂಜೆ ಆಯಿತು ಇನ್ನು ನಿನ್ನ ಜೊತೆ ಸಾಕಷ್ಟು ವಿಚಾರಗಳು ನಿನ್ನನ್ನು ಕೇಳೋದಿದೆ..ಆದರೆ ಸಮಯ ಇಲ್ಲ ...ಮನೆಗೆ ಹೋಗಬೇಕು...ಅಮ್ಮ ಕಾಯ್ತಾ ಇರ್ತಾರೆ...ನಾಳೆ ಸಿಕ್ತೀನಿ ಆಯ್ತಾ..ಬೈ ಡಿಯರ್ ...ಅಂದು ಹತ್ತಿರ ಬಂದು ಬುಜದ ಮೇಲೆ ತಲೆ ಇಟ್ಟು..ಕಣ್ಣಲ್ಲೇ ತುಂಟ ತನ ತೋರಿ..ಹೊರಗೆ ಓಡಿದಳು..

ನಾನು ಬಾಗಿಲ ಬಳಿ ನಿಂತು..ಕೈ ಬೀಸುತ್ತಿದ್ದೆ...ಹೃದಯ ಭಾರವಾಗುತ್ತ ಹೋಯಿತು...!!

(ಮುಂದುವರೆಯುವುದು..)